D esde Asime, en colaboración co Igape, convídase aos centros educativos galegos a participar no programaTecnolóxicas.
Esta iniciativa, impulsada pola Asociación de Industrias do Metal de Galicia dende o ano 2022, busca fomentar vocacións tecnolóxicas e industriais entre a xente nova, especialmente entre as nenas e rapazas.
Unha das áreas de actuación clave do proxecto é desenvolver accións de sensibilización e divulgación en centros educativos de toda Galicia, achegando o mundo STEM (ciencia, tecnoloxía, enxeñería e matemáticas) ao alumnado dunha forma práctica, accesible e motivadora.
Qué ofrece Tecnolóxicas aos centros educativos
Charlas dinámicas e talleres prácticos gratuítos:
- Deseña o teu videoxogo para cambiar o mundo
- Enxeñeiras do futuro: deseño 3D
- Descobre a Intelixencia Artificial
- Programa a túa primeira experiencia interactiva
- Deseña un chatbot con IA
- Creadoras de tecnoloxía: deseña o teu avatar STEAM
Para o alumnado de Bacharelato e FP, planificaranse visitas a empresas, centros de innovación ou Universidades
- Para que coñezan que estudos poden cursar e o tipo de traballos e empresas aos que poden optar no seu futuro laboral.
Estas actividades teñen un enfoque práctico e participativo, orientado a:
- Espertar vocacións tecnolóxicas desde idades temperás
- Romper estereotipos de xénero asociados ao ámbito industrial e tecnolóxico
- Mostrar oportunidades profesionais reais na súa contorna
As sesións, completamente gratuítas, serán impartidas por profesionais do sector e adaptaranse á dispoñibilidade do centro.
Para que alumnado está dirixido
- Alumnado a partir de 4º de Educación Primaria e ESO: talleres prácticos con contidos adaptados a cada nivel educativo a elixir entre as temáticas detalladas anteriormente.
- Alumnos/as de Bacharelato e FP: visitas a empresas, centros de innovación ou Universidades da contorna.
Cómo participar co teu centro
Se estás interesado/a en participar co teu centro ou desexas recibir máis información, contacta co equipo en formacion@asime.es ou por teléfono no 986 410 727.
¡Agardámosvos en Tecnolóxicas!